اسهل طريقه لعمل المكرونه بالبشامل بالصور
اسهل طريقه لعمل المكرونه بالبشامل بالصور
طبعا المكرونه البشاميل فيه ناس بتغلبها البشاميل وممكن تتخن منها او تكلكع لكن فيه طريقه سهله وسريعه لطريقه عمل المكرونه البشاميل اول الكميات المطلوبه كيلو مكرونه اقلام وكيلو ونص لبن و6 معالق كبيره من بتاعت الاكل دقيق ومكعب مرقه دجاج اوممكن كوب مرقه للي تحب ويكون عندها مرقه فراخ او مرقه لحمه وملح ونص كيلو لحمه وطماتطمتين وبصله صغيره ودي كل المكونات اللي هتحتاجها باذن الله
اول شئ علشان المكرونه تغلي كميه تناسب كيلو مكرونه وتحطي معاها معلقتين زيت ومعلقه صغيره ملح والنصيحه المهمه جدا انك متخليش المكرونه تستوي جدا خليها تستوي سوا معقول لانها لسه برضه هتدخل الفرن لانك لو سويتي المكرونه جامد هتكون معجنه شويه لما تخرج من الفرن المهم اول ما الميه تغلي تحطي كيلو المكرونه ودي تكون عين علي البوتوجاز تشغليها والعين التانيه من البوتوجاز تكوني مجهزه البصله مبشوره تحطي زيت وتحطي عليها البصله المبشوره تخليها بسي تصفر وتحطي عليها اللحمه وفيه تكات كويسه تدي ريحه وطعم انك تحطي مع اللحمه ريحان وشويه بهارات وفلفل اسود وبسيط من الملح وممكن تحطي صلصه طماطم وممكن لا علي حسب ما تحبي وتقلبي الللحمه شويه لحد ما تستوي وبكدا تكون اللحمه جاهزه والعين التالته من البوتوجاز البشاميل بقي احنا كدا منتظرين المكرونه واللحمه ونبدء للبشاميل وطريقه بجد سهله وسريعه انك اول نصيحه تكون كميه الزبده او الزيت اللي هتعملي بيها البشاميل تساوي كميه الدقيق تحطي خمسه او ست معالق سمنه لحد ما السمنه تسخن تحطي عليها الدقيق وتقلبي بسرعه لحد لما تلاقي الدقيق داب خالص في السمنه ولحد ما يغلو مع بعضهم والدقيق يبيض وبعد لما يغلو مع بعض نحط اللبن شويه بشويه ولازم يكون اللبن مغلي او علي الاقل سخن تحطي اللبن شويه شويه هتلاقي الخليط واحده واحده معاكي بيكون كريمي ولحد ما يوصل ان الخليط يكون كريمي ولين معاكي كدا بالدرجه اللي انتي عاوزاها وقفي انك تحطي لبن تاني ولو لاقتي السمك لسه تخين تحطي مرقه وتقلبي ومع كل ده تحطي مكب مرقه دجاج وشويه ملح وفلفل اسود بسيط يدي طعم بسي وبكدا يكون البشاميل خلص وبسرعه جدا وتكون المكرونه استوت ومش استوت خالص طبعا عاوزنها سوي معقول واللحمه جهزت
ونجيب الصينيه وندهنها زيت وحط كميه بشاميل في الاول ونقسم المكرونه نصين نحط نص المكرونه ونحط عليها كميه بشاميل ونرص الطبقه التانيه اللحمه ونحط المكرونه الباقيه وترش البشاميل كميه كويسه علي الوش وممكن نحط بيضه علي الوش بتدي لون ذهبي ومكن نحط سمنه وبعدين ندخلها الفرن ولازم طبعا طبعا يكون سخن جدا نحطها لحد ما تستوي والوش يحمر وبالف هنا وشفاااااااا
