عليكم ورحمة الله وبركاته
الطريقه والمقادير:
1- تنقعين الرز ع حسب
العدد.
2- تغسلين الدجاجه وتقطعيها قطع صغيره وتخليها على جنب
3- تقطعين
بصلتين شرايح وتغليهم بالزيت لين يصيرون مقرمشين ( مثل الكشري)
4- تاخذين حبه
بطاطا وتقطعيها مربعات صغيره وتقلينها وتخليها على جنب.
5- تجهزين الحين للكشنه
تاخذين 2 بصل مقطع مع الثوم وتحركينهم ع النار لين تحسينه تحمر تضيفين الفليلفه
الخضرا والدجاج + 2 ماجي (انا استخدم مكعبات الماجي الايراني لان مضاف لها
الزعفران) تلاقونها موجوده ببعض محلات المكسرات واذا مو متوفر ضيفون الماجي العادي
+علبه ونص زبادي + معلقه وسط نعناع ناشف + بهارات عدله ( 2 عود دارسين + مسمار +
ليمونه سودا+هيل) وبهارات الكاري وبهارات البرياني اتركهم يتسبكون على نار هاديه
لمده نصف ساعه لين احس ان الدجاجه استوت
6- بعد ماتستوي الدجاجه اضيف نصف مقدار
البصل مال الكشري والبطاطا المقليه
7- اكون سلقت الرز بالطريقه العاديه واضيفه
على الدجاج والبطاطا مع خلطه
8- في فنجان اضيف ملعقه زبده واعواد الزعفران وماء
الورد اخلطهم واصبهم على وجه الرز
9- اتركه على نار هاديه لين يترسى ويقدم
بالعافيه ولاتنسي باقي بصل الكشري للوجه
